სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
6 თვის წინ · 0 წთ წასაკითხად
-
Aa
+
ფონტის ზომა
საქართველოს ნაკრების ყოფილმა ფეხბურთელმა და მწვრთნელმა, თემურ ქეცბაიამ, წარმატებაზე ისაუბრა.
„რა ლამაზი დილა გაგვითენდა. ამ სიხარულს მთელი საქართველო 30 წელზე მეტი ელოდა. სიმართლე გითხრათ, პირველი პენალტის შემდეგ მივხვდი, რომ ამ თამაშს მოვიგებდით.
მინდა მივულოცო ფეხბურთელებს, გუნდის ხელმძღვანელობას, მწვრთნელებს, ფედერაციას, ყველა გულშემატკივარს, ვინც სტადიონზე იყო და ასე კარგად დაუდგა გვერდში გუნდს და რა თქმა უნდა მთელ საქართველოს.
საქართველომ ითამაშა ის ფეხბურთი, რა ფეხბურთიც უნდა ეთამაშა და ამის გამო მოიპოვა გამარჯვება. ერთადერთი თამაში მოვუგეთ საბერძნეთის ნაკრებს და მიხარია, რომ სწორედ ასეთი მნიშვნელოვანი შეხვედრის მოგება შევძელით. მათთან აქამდეც არაერთხელ გვითამაშია და არასდროს არ მოგვიგია, მიუხედავად იმისა, რომ აქამდეც კარგად ვეთამაშებოდით, განსაკუთრებით თბილისში რა თამაშებიც ჩავატარეთ.
ძალიან მიხარია, რომ ასეთ მნიშვნელოვან თამაშში, საქართველოს ნაკრებმა თავის მიზანს მიაღწია. მთელი 120 წუთი ორგანიზებულად ითამაშეს, ითამაშეს ის ფეხბურთი, რა ფეხბურთიც უნდა ეთამაშათ. საბერძნეთის ნაკრები კარგი ნაკრებია და ჩვენმა ბიჭებმა ისე ითამაშეს, როგორც საჭირო იყო და იმიტომაც მოვიგეთ.
ჯგუფი? [პორტუგალია, ჩეხეთი, თურქეთი] ჩვენთვის მთავარი იყო ფინალურ ეტაპზე მოხვედრა და იქ რაც მოხდება, შეიძლება ითქვას... თუმცა რა თქმა უნდა, რომ მოხვდები, მერე გინდა რომ იქაც რაღაც შედეგს მიაღწიო, რატომაც არა. საბერძნეთის ნაკრები ევროპის ჩემპიონი გახდა და ჩვენც რომ რაღაცაზე რომ ვიოცნებოთ რატომ არ შეიძლება." - აღნიშნა ქეცბაიამ იმედის დილაში საუბრისას.
კომენტარები