სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
ევრობასკეტის საკვალიფიკაციო ეტაპზე საქართველოს კალათბურთის ნაკრები სერბეთს უმასპინძლებს. მატჩი 26 თებერვალს (21:00) თბილისში გაიმართება.
საკვალიფიკაციო ეტაპის პირველ ტურში წარუმატებელი აღმოჩნდა ნაკრების ახალი მწვრთნელის ალექსანდარ ჯიკიჩის დებიუტი. ჩვენი გუნდი დანიაში 75-69 დამარცხდა.
ქართველთა მხრიდან გამორჩეული თორნიკე შენგელია იყო, რომელმაც 26 ქულა, 6 მოხსნა და 3 შედეგიანი გადაცემა დააგროვა. ასევე სახსენებელია ახალი ლეგიონერის, ჯო ტომასონის, სტატისტიკაც, რომელმაც 16 ქულა, 4 მოხსნა და 4 შედეგიანი გადაცემა მიითვალა.
სერბეთმა კი პირველ შეხვედრაში ფინეთი 77-61 დაამარცხა. გუნდს ლუკა მიტროვიჩმა (19 ქულა, 9 მოხსნა) და ალექსა ავრამოვიჩმა (18 ქულა, 3 მოხსნა) ულიდერეს.
იმის გამო, რომ ფინეთი 2025 წელს გასამართი ევრობასკეტის მასპინძელია, შესაბამისად ტურნირზე მონაწილეობას ავტომატურად მიიღებს და საკვალიფიკაციო ეტაპზეც კონკურსგარეშე თამაშობს, საქართველოს ნაკრებს კი ეს საქმეს უადვილებს, რადგან G ჯგუფიდან ფინეთის გარდა კიდევ 2 გუნდი უნდა გავიდეს.
აღსანიშნავია, რომ სერბეთთან მატჩი ბოლო იქნება გიორგი ცინცაძისთვის, რომელიც 20 წელი იცავდა ეროვნული ნაკრების ღირსებას და გუნდურ სახეობებში ჩატარებული თამაშებით საქართველოს აბსოლუტური რეკორდსმენია. ბუსთვის ეს 217-ე შეხვედრა იქნება.
მატჩზე დასასწრები ყველა ბილეთი გაყიდულია, რაც იმას ნიშნავს, რომ ცინცაძეს ათი ათასი გულშემატკივარი გააცილებს.
აქვე გეტყვით, რომ adjarabetarena-ს ინსტაგრამის გვერდზე გათამაშებაა, სადაც გიორგი ცინცაძის საქართველოს ნაკრების მაისურის მოგება შეგიძლიათ.
კომენტარები
ფოტოისტორია: ბუს გაცილება
კალათბურთი
გიორგი ცინცაძემ სანაკრებო კარიერა დაასრულა
კალათბურთი
საქართველოს ნაკრები სერბეთთან დამარცხდა
კალათბურთი